ජපානයේ නරිටා සිට පුද්ගලයින් එකසිය හතලිස් අට
දෙනෙකු සහ ඉන්දියාවේ සිට පැමිණි සිවිල්
නාවිකයින් පිරිසක් නිරෝධායනයට යොමු කර ඇතැයි කොවිඩ් 19 වැළැක්වීමේ ජාතික ක්‍රියාන්විත මධ්‍යස්ථානය පවසයි.
අද (10) දින උදෑසන 6E 9102 දරණ මගී ගුවන් යානය මගින් ඉන්දියාවේ
චෙන්නායි සිට සිවිල් නාවිකයින් දොලොස් දෙනෙකු (12), QR 668 දරණ
මගී ගුවන් යානය මගින් දෝහා සිට පුද්ගලයින් විසි අට දෙනෙකු (28),
6E 9034 දරණ මගී ගුවන් යානය මගින් ඉන්දියාවේ චෙන්නායි සිට සිවිල්
නාවිකයින් විසි හතර දෙනෙකු (24) සහ UL 505 දරණ මගී ගුවන්
යානය මගින් ජපානයේ නරිටා සිට පුද්ගලයින් එකසිය හතලිස් අට
දෙනෙකු (148) මෙරටට පැමිණ ඇත. එසේ පැමි‍ණෙන පුද්ගලයින්
සියළුදෙනා ත්‍රිවිධ හමුදාව මගින් පාලනය කරනු ලබන නිරෝධායන
මධ්‍යස්ථාන තුළ නිරෝධායන කටයුතු සඳහා යොමු කිරීමට කටයුතු
සූදානම් කර ඇති බවද එම මධ්‍යස්ථානය නිවේදනය කරයි.
