එමෙන්ම, බංගලාදේශය ඩකා අගනුවර සිට ශ්‍රී ලංකන් ගුවන් සේවය මඟින් ශ්‍රී ලාංකිකයින් 74 දෙනකු දිවයිනට රැගෙන ඒමට නියමිත අතර ඔවුන් සියලු දෙනා ශ්‍රී ලංකා යුධ හමුදාව විසින් පවත්වාගෙන යනු ලබන පුනානි නිරෝධායන මධ්‍යස්ථානය වෙත යොමු කිරීමට නියමිත බවත් මෙහි දී නිවේදනය කර සිටියේය.

මේ වන විට ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන වලින් 4,512 ක් නිරෝධායන කටයුතු අවසන්ව තම නිවෙස් බලා පිටත් කර ඇත.

එසේම නාවික හමුදාවේ පවුල් වල සාමාජිකයින් 58 දෙනකු නාවික හමුදාව විසින් පවත්වාගෙන යනු ලබන මිහින්තලේ සහ බූස්ස යන නිරෝධායන මධ්‍යස්ථාන වෙත නිරෝධායනය සඳහා යොමු කර ඇත.

එමෙන්ම, අද දිනයේ දී ත් (27) තවත් පිරිසක් නිරෝධායනයට යොමු කිරීමට නියමිත ව ඇති බවත්, නිරෝධායන මධ්‍යස්ථාන 31 තුළ 3,181 දෙනකු නිරෝධායනය වෙමින් දැනට සිටින බවත් මෙහි දී ශවේන්ද්‍ර සිල්වා මහතා දැනුම් දී සිටියේය. අද වන විට වෛරසය අසාදිත විරෝදාර රණවිරුවන් සංඛ්‍යාව 180 ක් බවට පත් ව ඇත. වැලිසර නාවික හමුදා කඳවුර තුළින් 112 ක් සහ පිටත නිවාඩු සිටි රණවිරුවන් 68 දෙනෙක් ද වශයෙනී.

දිවයින පුරා ඇඳිරිනීතිය පවතින   දිනයේ දී ත්‍රිවිධ හමුදාවේ විරෝදාර රණවිරුවන් හට තම කඳවුරු වෙත වාර්තා කරවීම සඳහා ඊයේ (26) උපදෙස් ලබා දුන් අතර මේ වන විටත් සමහර රණවිරුවන් කඳවුරු වෙත වාර්තා කර ඇති අතර ඇතැම් රණවිරුවන වාර්තා කිරීම සඳහා පැමිණෙමින් තිබෙන බවත් මෙහි දී යුද හමුදාපතිවරයා දැනුම් දී සිටියේය.