මෙතෙක් පත්වීම් ලිපි නොලැබූ උපාධිධාරීන් ප්‍රාදේශීය ලේකම් කාර්යාලය හරහා ජනාධිපති ලේකම් කාර්යාලය වෙත නැවත දැනුම් දෙන ලෙස උසස් අධ්‍යාපන අමාත්‍ය ආචාර්ය බන්දුල ගුණවර්ධන මහතා අද (04) රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවේ දී පැවසීය.
රැකියාලාභී උපාධිධාරීන්ගේ සියලුම පත්වීම් ලිපි මේ වන විට යවා අවසන් බවත් තමා එවූ ලිපියෙහි හෝ විද්‍යුත් තැපෑලෙහි පිටපතක් දැනුම් දෙන ලිපිය සමග එවිය යුතු බව ද අමාත්‍ය බන්දුල ගුණවර්ධන මහතා සඳහන් කළේය.
මෙහිදී උපාධිධාරීන් වෙත පත්වීම් නොලැබීම සම්බන්ධයෙන් නැවත දැනුම් දීමේ ක්‍රියා පටිපාටිය පිළිබඳ උපදෙස් පත්‍රිකාවක් සියලුම ප්‍රාදේශිය ලේකම් කාර්යාල වෙත අද දිනයේ යැවූ බව ද අමාත්‍යවරයා වැඩි දුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
