අධ්‍යාපන පරිපාලන සේවයේ නිලධාරීන්, විදුහල්පති, ගුරුසේවයේ නිලධාරීන් අද (04) දින ක්‍රියාත්මක කළ වැඩවර්ජනය සම්පූර්ණයෙන් අසාර්ථක බව අධ්‍යාපන අමාත්‍ය අකිල විරාජ් කාරියවසම් මහතා රජයේ නිලපුවත් වෙබ් අඩවියට අද (04) පැවසීය.
අමාත්‍යවරයා ප්‍රකාශ කළේ දිවයිනේ සියලුම පාසල් සාමාන්‍ය පරිදි අද (04) දින ක්‍රියාත්මක වන බවයි.
නිලධාරීන්ගේ දැඩි බලෑමට ලක්වීම හේතුවෙන් ස්ථාන කිහිපයක ගුරුවරුන්ගේ සුළු අඩුවීමක් තිබුණ ද පාසල්වලට සිසුන් පැමිණීමේ හෝ ගුරුවරුන්ගේ පැමිණීමේ ප්‍රතිශතයේ අඩුවීමක් දක්නට නැති බව අමාත්‍යවරයා වැඩිදුරටත් පැවසීය.
දේශපාලන පළිගැනීමට ලක්වූවන්ට සහන සැලසීම හේතු කරගෙන මෙම වෘත්තීය සමිති වැඩවර්ජනය කිරීමට කටයුතු කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
