ඒ අනුව කෘෂිකර්ම අමාත්‍ය මහින්ද අමරවීර මහතා ශ්‍රී ලංකා හදබිම අධිකාරියේ නිලධාරින්හට උපදෙස් දෙන ලද්දේ වහාම එම මඤ්ඤොක්කා තොගය මිල දී ගෙන බෙදාහැරීමට පියවර ගන්නා ලෙසයි.
ඒ යටතේ කෑගල්ලේ ගොවීන් සතුව තිබු මඤ්ඤොක්කා තොගය මිල දී ගැනීමේ කටයුතු හදබිම අධිකාරිය විසින් ඊයේ දින (20) අරඹනු ලැබීය. කිලෝවක් රුපියල් 40ක මිලක් යටතේ අත්පිට මුදලට මිල දී ගත් අතර, දිනකට මඤ්ඤොක්කා ටොන් දෙක බැගින් මිලට ගැනීමට ශ්‍රී ලංකා හදබිම අධිකාරිය කටයුතු යොදා තිබේ.
තම නිෂ්පාදන අලෙවි කිරීමට නොහැකිව තිබු අවස්ථාවක ශ්‍රී ලංකා හදබිම අධිකාරිය කෘෂිකර්ම අමාත්‍ය මහින්ද අමරවීර මැතිතුමාගේ මැදිහත්වීම මත ඒවා මිල දී ගැනීමට කටයුතු කිරීම සම්බන්ධයෙන් ගොවීන් රජයට තම කෘතඥතාව පළ කළේය.
රජයක් විසින් මෙවැනි මැදිහත් වීමක් සිදු කරන ලද්දේ ප්‍රථම වතාවට බවත්, ගොවියා ආරක්ෂා කිරීම සඳහා රජය විසින් ගෙනයනු ලබන වැඩපිළිවෙළ දැඩි ලෙස අගය කරන බවත් ගොවීහු පැවසූහ.
