විවිධ රෝග සම්බන්ධයෙන් වෛද්‍යවරුන් අවසරයකින් තොරව ප්‍රකාශ නිකුත් කිරිම පිළිබදව විධිමත් ක්‍රියාමාර්ගයක් ගන්නා ලෙස සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතාට දැනුම් දී ඇත.
අවසරයකින් තොරව වෛද්‍යවරුන් ප්‍රකාශ නිකුත් කිරිම විනය විරෝධී කරුණකි.
ඉන්ෆ්ලුවෙන්සා රෝගය පිළිබදව (19)දින වෛද්‍යවරුන් මාධ්‍යයට නිකුත් කර ඇති ප්‍රකාශ සම්බන්ධයෙන් දැඩි විනය පියවර ගන්නා ලෙස සෞඛ්‍ය අමාත්‍යවරයා සෞඛ්‍ය සේවා අධ්‍යක්ෂ ජනරාල්වරයාට දැනුම් දී ඇත.
තව ද තිස්සමහාරාම රෝහලේ වෛද්‍යවරුන්ගේ හිගයක් ඇති බවට කරන ප්‍රකාශ සම්බන්ධයෙන් අවධානය යොමු කළ සෞඛ්‍ය අමාත්‍යවරයා එම රෝහලට අවම වශයෙන් වෛද්‍යවරුන් තිදෙනෙකු කඩිනමින් යොමු කරන ලෙස වෛද්‍ය සේවා අධ්‍යක්ෂ ප්‍රියන්ත අතපත්තු මහතාට දැනුම් දී ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
