විධිමත් පරිපාලනයක් තුළින් අධ්‍යාපන අමාත්‍යාංශය සාර්ථක ආයතනයක් බවට පත්කිරීමට වත්මන් රජයට හැකි වූ බව අධ්‍යාපන අමාත්‍ය අකිල විරාජ් කාරියවසම් මහතා පවසයි.
අමාත්‍යවරයා මේ අදහස් පළ කළේ, පසුගිය දා කුරුණෑගල, මූකලන්යාය තක්සලා මහා විද්‍යාලයේ නව ප්‍රාථමික ක්‍රියාකාරකම් සම්පත් මධ්‍යස්ථානය විවෘත කිරීමේ උත්සවයට එක්වෙමින්.
පසුගිය රජයන් සමයේ දී ඇති වූ විවිධ අක්‍රමිකතා නවතාලමින් එම අමාත්‍යාංශය විධිමත් ක්‍රමවේදයක් යටතේ ක්‍රියාත්මක වීම අරම්භ වූයේ වත්මන් රජය යටතේ බවත්, ඒ සඳහා තමා මෙන්ම අමාත්‍යාංශ නිලධාරීන් ද සිය උපරීම කැපවීම ඊට ලබා දුන් බවත් අමාත්‍යවරයා වැඩිදුරටත් පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
