මෙහිදී අදහස් දැක්වු පී.හැරිසන් මහතා මෙසේ අඳහස් දැක්වීය.

සමෘද්ධි බැංකුව කියන්නේ ඉතිරි කිරීම් පුරුදු කරන පුහුණු මධ්‍යස්ථානයක්. ගමේ මුල්ලක තිබුන බැංකුව මහපාරට ගෙනැල්ල සමෘද්ධි නිලධාරීන්ට හොද තැනක් ලබා දෙන්න ඔවුන් ශක්තිමත් කරන්න කටයුතු කළ යුතුයි. මේ සදහා සමෘද්ධි නිලධාරීන්ගේ සේවය ස්ථිර කිරීමටත් ඔවුන්ට විශ්‍රාම වැටුපක් ලබා දීමටත් කටයුතු කරනවා.

මෙහිදී අදහස් දැක්වු මුදල් හා ජනමාධ්‍ය අමාත්‍ය මංගල සමරවීර මහතා; 2012 දී 6.7% ක්වු ජාතික දරිද්‍රතාවය අද වන විට 4.1% දක්වා අඩුවී ඇති බවත් මේ සම්බන්ධයෙන් සමෘද්ධි බැංකුවට ස්තුතිවන්ත වන බවත් පැවසීය.

මෙහිදී සමාද්ධි ප්‍ර‍ජාමුල බැංකු ශ්‍රේණිගත කිරීම හා නිලධාරීන් අගැයීම සිදු කෙරිණි.  ජාතික මට්ටමින් ඉදිරියෙන් සිටින සමෘද්ධි ප්‍ර‍ජාමුල බැංකු 10 අතරින් ප්‍ර‍ථම ස්ථානය යාපනය ඉනුවිල් සමෘද්ධි බැංකුවට හිමි වු අතර ලක්ෂ 10 ක මුදල් ත්‍යාගයක්ද හිමිවිය.

දිවයිනේ වැඩිම අළුත් අවුරුදු ඉතුරුම් (2017) රැස්කළ නිලධාරියා සදහා වු කුසලානය කුරුනෑගල මඩහපොල සමෘද්ධි ප්‍ර‍ජාමුල බැංකුවේ සමෘද්ධි සංවර්ධන නිලධාරී එස්. තිස්ස කුමාර සුභසිංහ මහතා හිමි කර ගත්තේය.

සමෘද්ධි බැංකුවල වැඩිම ණය නිකුත් කිරීම වෙනුවෙන් කුසලානය හිමිකර ගත්තේ දැරනියගල සමෘද්ධි ප්‍රජාමුල බැංකුවේ එච්.පී.ටී.පියදාස මහතාය.දිවයිනේ වැඩිම ක්ෂේත්‍ර‍ ලැබීම් රැස් කළ නිලධාරියා ගාල්ල ඇල්ලකන්ද සමෘද්ධි බැංකුවේ ඩී.මයාකඩුව මහතා සම්මානය හිමිකර ගත්තේ ය.