උතුරු නැඟෙනහිර ප්‍රදේශවල නැවත පදිංචි කරන ලද අඩු ආදායම්ලාභී පවුල් සඳහා කොන්ක්‍රීට් පැනල තාක්ෂණය භාවිතා කරමින් එක් වර්ග අඩි 650 බැගින් වූ ස්ථීර නිවාස 40,000ක් වසර දෙකක කාල සීමාවක් තුළ ඉදිකිරීමට පියවර ගැනේ.
මේ සඳහා නැවත පදිංචි කිරීම්,පුනරුත්ථාපන,උතුරු සංවර්ධන හා හින්දු ආගමික කටයුතු අමාත්‍ය ඩී.එම්.ස්වාමිනාදන් මහතා ඉදිරිපත් කළ අමාත්‍ය මණ්ඩල යෝජනාව ඊයේ (22) පැවැති අමාත්‍ය මණ්ඩල රැස්වීමේ
දී අනුමත වී ඇත.
ජාතික ගොඩනැඟිලි පර්යේෂණ සංවිධානය විසින් නිර්දේශ කරනු ලැබ ඇති කොන්ක්‍රීට් පැනල තාක්ෂණය යොදාගනිමින් ඉදිකරනු ලබන මෙම නිවාස සඳහා එම ප්‍රදේශවල ජනතාවගේ මෙන් ම දේශපාලන
නියෝජිතයින්ගේ ද පිළිගැනීම හිමිව ඇතැයි අමාත්‍යවරයා ඉදිරිපත් කළ යෝජනාවේ දැක්වෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
