දිසාපති සමුළුව කොළඹ ශ්‍රී ලංකා සංවර්ධන පරිපාලන ආයතනයේ පැවැත්වෙන බැවින් සියලු දිසාපතිවරු ඒ් සඳහා සහභාගී වී සිටියහ.
අමාත්‍යවරයා ඒහි දී කියා සිටියේ රත්නපුර, කෑගල්ල, කළුතර, ගාල්ල, මාතර, හම්බන්තොට, කොළඹ, ගම්පහ, මහනුවර, පුත්තලම හබදුල්ල දිස්ත්‍රික්කයන් හි ආපදා තත්ත්වයන් ඇතිවිය හැකි බවයි. නිසි පරිදි වැසි ජලය බැස නොයාමෙන් මාර්ග යටවීම, ගංවතුර ගැලීම, පස්කඳු කඩාවැටීම්, නායයෑම් හා අකුණු අනතුරු සිදුවිය හැකි බැවින් මේ පිළිබඳ තම දිස්ත්‍රික්කයන්හි ප්‍රාදේශීය ලේකම්වරු මාර්ගයෙන් ජනතාව දැනුම්වත් කිරීමට කටයුතු කරන ලෙසත් ජල ගැලීම්වල දී ඊට කොටුවන පුද්ගලයන් බේරාගැනීම සඳහා බෝට්ටු සූදානම් කරගැනීමට කටයුතු කරන ලෙසත් අමාත්‍යවරයා දිසාපතිවරුන්ට උපදෙස් දුන්නේය.
අමාත්‍යවරයා දිසාපතිවරුන්ට මෙසේ ද කීවේය.
අපිට ස්වභාවික ආපදා නවත්වන්න හැකියාවක් නැහැ. ඒයට අනිවාර්යයෙන් ම මුහුණ දිය යුතුයි. අවශ්‍ය වන්නේ ජීවිත හානිවීම වළක්වා ගැනීම හා දේපළ හානි අවම කරගැනීම. මේ සඳහා ගත හැකි සියලුම පියවර ගන්න අවශ්‍ය වෙනවා. ඒ් වගේම සියලුම ක්ෂ්ත්‍ර නිලධාරීන් ඇතුළු ආපදා අවස්ථාවල දී ක්‍රියාත්මක විය යුතු නිලධාරීන් ද මේ ගැන දැනුම්වත් කර තබන්න යැයි ද අමාත්‍යවරයා පවසා තිබේ.
