එම රෝහල්වල ළමා රෝග විශේෂඥ වෛද්‍යවරුන්ගේ ඉල්ලීම මත හදිසි අවස්ථාවක් ලෙස සළකා මෙම යන්ත්‍ර ලබාදීමට සෞඛ්‍ය අමාත්‍යවරයා කටයුතු යොදා ඇත.
වැඩි වේගයකින් සහ පීඩනයකින් දරුවන්ට ඔක්සිජන් ලබාදීමට මෙම යන්ත්‍රවලට හැකියාවක් ඇති අතර, එහිදී හැකිළි ඇති පෙණහළු යළි විවරවීමක් සිදුවන බව ළමා රෝග විශේෂඥ වෛද්‍යවරුන් පවසති. මෙම යන්ත්‍ර දේශීය මිල දී ගැනීම් යටතේ මිල දී ගැනීමට නියමිතය.
මේ අතර දකුණූ පළාතේ පවතින වෛරස් උණ රෝගී තත්ත්වය පිළිබදව සෞඛ්‍ය අමාත්‍යාංශයේ වසංගත රෝග විද්‍යා අංශය පරීක්ෂණයක් ද ආරම්භ කර ඇත.දැනට ගාල්ල කරාපිටිය සහ මාතර මහ රෝහල්වල ළමා රෝග විශේෂඥ වෛද්‍යවරුන් ලබා දී ඇති උපදෙස් පිළිපදින ලෙස සෞඛ්‍ය අමාත්‍යවරයා ජනතාවගෙන් ඉල්ලා සිටියි.
