ජාත්‍යන්තර තත්ත්ව කළමනාකරණ සම්මානයෙන් පිදුම් ලැබූ සබරගමුව පළාතේ ප්‍රථම සහ එකම රාජ්‍ය ආයතනය වන පළාත් රාජ්‍ය සේවා කොමිෂන් සභාවේ කාර්යයන් පිළිබඳ පසුගිය දා පළාත් ආණ්ඩුකාර නිලුකා ඒකනායක මහත්මියගේ ඇගයීමට ලක් වූවාය.
සබරගමුව පළාත් රාජ්‍ය සේවා කොමිෂන් සභාව ජාතික ඵලදායිතා සම්මාන උළෙලදී ප්‍රථම ස්ථාන මෙන්ම ISO 9001:2008,ISO 9001:2015 ජාත්‍යන්තර තත්ත්ව කළමනාකරණ සහතික හිමිකරගෙන ඇත.
මෙම අවස්ථාවට පළාත් ආණ්ඩුකාර ලේකම් ලලිත් දොඩම්කොටුව, පළාත් රාජ්‍ය සේවා කොමිෂන් සභාවේ සභාපති නීතීඥ දේශබන්දු සූරියපටබැඳි, සාමාජික නීතීඥ සිරි හේවාගම, ලේකම් සුනේත්‍රා ගුණවර්ධන, සහකාර ලේකම්වරියන් වන කාන්ති ඒකනායක, සමේධානි මාතරහේවගේ සහ පරිපාලන නිලධාරී ජයපාලි රත්නසේකර යන මහත්ම මහත්මීන් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
