මේ නිසා යුරෝපා සංගමය විසින් ශ්‍රී ලංකාවට යළිත් GSP+ සහනය ලබා දුන් අතර එයින් මේ රටේ මත්ස්‍ය අපනයනය සහ ඇගලුම් ඇතුළු අනෙකුත් අපනයනයන් විශාල ලෙස වර්ධනය වූ බවත් ඇමතිවරයා පැවසුවේ රජයේ ප්‍රවෘත්ති දෙපාර්තමේන්තුවේ අද (10) පැවැති මාධ්‍ය හමුවකදීය.
ජනාධිපති මෛත්‍රීපාල සිරිසේන මහතා විසින් පසුගිය 08 වැනිදා පාර්ලිමේන්තුවට ඉදිරිපත් කරනු ලැබූ රජයේ ප්‍රතිපත්ති ප්‍රකාශය විවරණය කිරීම සඳහා මෙම මාධ්‍ය හමුව පැවැත් විණි.
මේ රට සංවර්ධනය කළ හැක්කේ රජය සහ පෞද්ගලික අංශය එක් වී ආර්ථිකය දියුණු කිරීමට කටයුතු කිරීමෙන් පමණි. එහිදී රටේ ණය අනුපාතිකය අඩු කොට හැකිතාක් විදේශ ආයෝජන වැඩි කිරීමට පියවර ගත යුතුයි.
පසුගිය කාලයේ නියගය,ගං වතුර ආදී පාරිසරික ප්‍රශ්න නිසා අර්බුද ඇති වුණත් ආර්ථිකය බිඳ නොවැටී පවත්වාගෙන යාමය රජයට හැකි වූ බවද ආචාර්ය සරත් අමුණුගම මහතා කීය.
තවද අධිකරණයේ ස්ථාවර භාවය සහ ස්වාධිනත්වය ආරක්ෂා කිරීමටත් මේ රටේ සංහිඳියාව වර්ධනය කිරීමටත් පියවර ගත් අතර තොරතුරු දැනගැනීමේ පනත මගින් ජනතාවට රජයේ ඕනැම ආයතනයක තොරතුරු ලබා ගැනීමට හැකි වී තිබෙන බවත් ඇමතිවරයා තවදුරටත් පැවසීය.
ඡායාරූප- යමුනී රශ්මිකා පෙරේරා
