අම්පාර මහ රෝහලේ රුපියල් මිලියන 1500 කට අධික වියදමකින් ඉදිකරන ලද සංවර්ධන ව්‍යාපෘති රැසක් ජනතා අයිතියට පත් කිරිම සහ මුල්ගල් තැබීම සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් සිදු කෙරිනි.
මෙහිදී අම්පාර මහ රෝහලේ 08 මහල් ළමා රෝග වෛද්‍ය වාට්ටු සංකීර්ණයට මුල්ගල් තැබීම ද සිදු විය. ඒ සදහා වැය කරන මුදල රුපියල් මිලියන 175 කි.
අම්පාර මහ රෝහලේ ඉදිකිරීමට යෝජිත ආඝාත මධ්‍යස්ථානය සදහා ද මුල්ගල් තැබීම සිදු කළ අතර, රෝහල් අපද්‍රව්‍ය කළමණාකරණ ඒකකය, පොදු භාණ්ඩ ගබඩාව, වඩු කාර්මික නඩත්තු අංශය සෞඛ්‍ය අමාත්‍යවරයා විසින් විවෘත කරන ලදි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
