විශ්ව විද්‍යාල ප්‍රතිපාදන කොමිසම් සභාව යටතේ පාලනය වන ශ්‍රී ලංකා උසස් තාක්ෂණ අධ්‍යාපන ආයතනයට අයත් අම්පාර හාර්ඩි උසස් අධ්‍යාපන ආයතනයේ පූර්ණකාලීව පාඨමාලා හදාරන සිසුන්ගේ නේවාසික ප්‍රශ්නය සම්බන්ධයෙන් කඩිනම් විසඳුම් ලබා දීමට එහි පාළනාධිකාරිය එකඟත්වය පළ කර ඇති බව උසස් අධ්‍යාපන සහ මහාමාර්ග අමාත්‍යාංශය පවසයි.
එම අධ්‍යාපන ආයතනයේ සිසුන්ට ඇති වූ තිබූ නේවාසික ගැටළුව සම්බන්ධයෙන් මැදිහත් වූ උසස් අධ්‍යාපන සහ මහාමාර්ග අමාත්‍ය කබීර් හෂීම් මහතා දෙපාර්ශවයේම අදහස් සැළකිල්ලට ගෙන එහි අධ්‍යාපනය හදාරන සියළුම පූර්ණකාලීන පාඨමාලාධාරීන්ට පොරොන්දු ප්‍රකාරව නේවාසික පහසුකම් ලබා දෙන්නට කටයුතු කරන ලෙස නියෝග ලබා දුන්නේය.
ඒ අනුව ශිෂ්‍ය නේවාසික ප්‍රශ්නය සම්බන්ධයෙන් ඇති ගැටළුව විසඳමින් පූර්ණකාලීන පාඨමාලා සඳහා ලියාපදිංචි වූ සියළුම සිසුන්ට නේවාසික පහසුකම් ලබා දෙන බව එහි අධ්‍යක්ෂ ජෙනරාල් ආචාර්ය හිලරි ඊ. සිල්වා ප්‍රකාශ කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
