විශ්ව විද්‍යාල අනධ්‍යන සේවක මණ්ඩලය විසින් පවත්වාගෙන යනු ලබන වැඩ වර්ජනය අවසන් කර සේවයට පැමිණෙන ලෙසත් අනතුරුව එම සේවක ඉල්ලීම් ගැන සාකච්ඡාවට සූදානම් බවත් විශ්ව විද්‍යාල ප්‍රතිපාදන කොමිසම වෙනුවෙන් එහි සභාපති මහාචාර්ය මොහාන් ද සිල්වා මහතා වර්ජකයන්ට දැණුම් දී ඇත.
විශ්ව විද්‍යාලීය ඒකාබද්ධ වෘත්තීය සමිති කමිටුවේ සම සභාපති එඩ්වඩ් මල්වත්තගේ මහතාට සභාපතිවරයා මේ බව ලිඛිතව දන්වා යවා ඇත.
මෙම වර්ජනය සම්බන්ධයෙන් විශ්ව විද්‍යාල ප්‍රතිපාදන කොමිසම සහ අමාත්‍යංශ නිලධාරීන් අතුළු පරිපාලන කණ්ඩායම් උසස් අධ්‍යාපන සහ මහාමාර්ග අමාත්‍යංශයේදී පැවත් වූ සාකච්ඡාවකින් පසුව මෙම තීරණයට එළැඹි බව මහාචාර්ය මොහාන් ද සිල්වා මහතා තවදුරටත් පැහැදිළි කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
