මලලසේකර මාවත කොළඹ 07 පිහිටි පොලිස් සංස්කෘතික අංශ භූමි පරිශ්‍රයේ ඉදි කිරීමට යෝජිත නව පුහුණු ගොඩනැගිල්ල සදහා මුල් ගල් තැබීම පොලිස්පති පූජිත් ජයසුන්දර මහතාගේ ප්‍රධානත්වයෙන් ඊයේ(14) සිදු කෙරිණි.
මෙම නව පුහුණු ගොඩනැගිල්ල මහල් දෙකකින් යුක්ත වන අතර ඒ සදහා ඇස්තමේන්තු ගත මුදල රුපියල් මිලියන 19.04 ක් වේ. මාස 05 ක් වැනි කෙටි කාලයකින් මෙහි වැඩ අවසන් කිරීමට ශ්‍රී ලංකා පොලිසිය බලාපොරොත්තු වේ.
රථ වාහන හා බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති නන්දන මුණසිංහ, පොලිස් සංස්කෘතික අංශයේ අධ්‍යක්ෂ ජ්‍යෙෂ්ඨ පොලිස් අධිකාරී මහාචාර්ය කරුණාරත්න බණ්ඩාර යන මහත්වරුන් ඇතුළු පිරිසක් මෙම අවස්ථාවට සහභාගි වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
