බහුදින ධීවර යාත්‍රාවලින් මසුන් ඇල්ලීමට ලෝන්ලයින් හෙවත් මරුවැල් පන්න ක්‍රමය සඳහා ඇම වශයෙන් යොදා ගන්නා දැල්ලන්ගේ මිල ගණන් ඉහළ යාම හේතුවෙන් වේක්කයා Milk Fish නැමැති මත්ස්‍ය විශේෂය මෙරට තුළ නිපදවීම කෙරෙහි ධීවර හා ජලජ සම්පත් සංවර්ධන අමාත්‍යාංශයේ අවධානය යොමු වී තිබේ.
විශේෂයෙන් ඇම දැල්ලන් වශයෙන් යොදා ගන්නා දැල්ලන් මෙරටට ආනයනය කෙරෙනුයේ චීනයෙනි. රජය විසින් පසුගිය සතියේ දී ආනයනික දැල්ලන් සඳහා පනවා තිබු බද්ද තාවකාලිකව ඉවත් කිරීමට පියවර ගත් අතර මත්ස්‍ය ඇම වශයෙන් යොදා ගන්නා වේක්කයා නැමැති මසුන් මෙරට දීම නිපදවීමට තීරණය කරනු ලැබීය.
ඒ යටතේ රුපියල් මිලියන 130ක වියදමින් වේක්කයා මත්ස්‍ය අභිජනන මධ්‍යස්ථානය මෙම මස සෙනසුරාදා (10) කුසල, බංගදෙණිය ප්‍රදේශයේ දී ඇරඹීමට ජාතික ජලජීවි වගා සංවර්ධන අධිකාරිය විසින් කටයුතු යොදා තිබුණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
