ඒ මහතා ප්‍ර‍කාශ කළේ එහි ප්‍ර‍ධාන සහයක ලෙස කටයුතු කළ බවට සුරේන්ද්‍ර සුරවීර නැමැත්තා හඳුනාගෙන ඇති බවයි.
මහනුවර ඇති වී තිබෙන තත්ත්වය පිළිබඳ සොයා බැලීම සඳහා ත්‍ර‍ස්ත විමර්ශන දිසාවේ නියෝජ්‍ය පොලිස්පති ඇතුළු කණ්ඩායමක් මහනුවරට පිටත් කර යවා ඇති බවත් නියෝජ්‍ය පොලිස්පතිවරුන් සහිත කණ්ඩායම් කිහිපයක් ද එහි යවා තිබෙන බවත් ඒ මහතා පෙන්වා දුන්නේය.
මෙවැනි වැරදි සඳහා අත්අඩංගුවට පත් වූ පුද්ගයින්ට ඇප ලබාගැනීමට වුවද ඉතා සුවිශේෂී වූ කරුණු ඉදිරිපත් කළ යුතු බවත් 2018 අංක 01 දරණ හදිසි අවස්ථා (විවිධ විධිවිධාන සහ බලතල) රෙගුලාසි යටතේ කටයුතු සිදු කරමින් පවතින බව ද මාධ්‍ය ප්‍ර‍කාශකවරයා වැඩිදුරටත් පැවසීය.
