මෙම සාකච්ජාව ඊයේ (06) පස්වරුවේ අරලියගහ මන්දිරයේදී පැවති අතර මෙහිදී ෆුල් පෙස් හෙල්මන්ට් ගැටලුව තවදුරටත් සාකච්ජාකොට ප්‍රධාන කරුණු තුනක් ඔස්සේ විසඳාගත යුතු බව අමාත්‍ය සාගල රත්නායක මහතා මහතා පවසා ඇත.
අමාත්‍යවරයා ප්‍රකශ කර සිටියේ මෙම ෆුල් පෙස් හෙල්මන්ට් ගැටලුව සම්බන්ධයෙන් අවසන් විසඳුමක් ලබාගැනීමට සදහා තවදුරටත් සකච්ජකොට අදාළ තීරණවලට එළඹිය යුතු බවයි. එහිදී මෙම ගැටලුව සම්බන්ධයෙන් අදාල සියලු පාර්ශව සමග සාකච්ජාකොට ලබන සිංහල - හින්දු අලුත් අවුරුද්දෙන් පසු අදාල තීරණ ගතහැකි බවයි.
"ප්‍රමිතිය", "ආරක්ෂාව" සහ "රටේ පවත්නා නීතිය" යන කරුණු මූලික කරගනිමින් මෙම ගැටලුව විසඳීම සඳහා අවශ්‍ය මූලික පසුබිම සකස්කරගත යුතු බවත් කෙසේ උවත් මෙහිදී වඩාත් වැදගත් වනුයේ ජනතාවගේ ආරක්ෂාව බවත් අමාත්‍යවරයා පෙන්වා දුන්නේය.
ඒ අනුව ජනතාවගේ ආරක්ෂාවට මුල්තැනදී නීති සැකසිය යුතු බවත් ෆුල් පෙස් හෝ සාමාන්‍ය හෙල්මන්ට් හෝ පැළඳිය හැක්කේ යතුරු පැදිය ධාවනය කරන අවස්ථාවේ පමණක් බවත් ඉන් පරිබාහිරව කාර්යාල, බැංකු හෝ වෙනත් ස්ථානවලට පිවිසීමේදී හෝ පෙළපාලි ආදියේදී නොපැළදිය යුතු බවද මෙහිදී වැඩිදුරටත් අවධාරණය කරනු ලැබීය.
මෙම සාකච්ජාවට නීතිය හා සාමය සහ දක්ෂිණ සංවර්ධන අමාත්‍යංශයේ ලේකම් ජගත් විජේවීර මහතා, ජේෂ්ඨ නියෝජ්‍ය පොලිස්පති චන්දන වික්‍රමසිංහ මහතා ඇතුලු ජේෂ්ඨ පොලිස් නිලධාරීන් සහ සමස්ත ලංකා යතුරුපැදි කරුවන්ගේ සංගමයේ ලේකම් චිරන්ත අමරසිංහ මහතා ඇතුලු එම සංගමයේ නියෝජිතයන් මෙන්ම ප්‍රවාහන අමාත්‍යංශයේ සහ මාර්ග ආරක්ෂණ අධිකාරියේ නියෝජිතයන් පිරිසක්ද සහභාගිවී සිටියහ.
