මේ වන විට මදුරු උවදුර රට පුරා දරුණු වසංගතයක් වී ඇති බැවින් සෞඛ්‍ය අමාත්‍යාංශය විසින් ජාතික මදුරු මර්දන සතියක් ප්‍රකාශයට පත් කර තිබේ.
ඒ අනුව අධ්‍යාපන අමාත්‍යාංශය විසින් අනිද්දා (29) සිට අප්‍රේල් 04 දින දක්වා සිසුන් හා දෙමාපියන්ගේ ශ්‍රම සහභාගිත්වයෙන් පාසල් පරිශ්‍රයන් පිරිසිදු කිරීමට පියවර ගන්නා ලෙස සියලුම කලාප අධ්‍යාපන අධ්‍යක්ෂවරුන් හා විදුහල්පතිවරුන් වෙත දැන්වීමට අධ්‍යාපන අමාත්‍යාංශය කටයුතු කර තිබේ.
ඒ සඳහා ප්‍රදේශයේ සෞඛ්‍ය වෛද්‍ය කාර්යාංශයේ සහයෝගය ලබාගන්නා ලෙසට ද අමාත්‍යාංශය වැඩිදුරටත් දන්වා ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
