යුක්තිය පසඳලීමේ කාර්යය භාරය වඩාත් කාර්යක්ෂමව හා ඵලදායි ලෙස ජනතාවට ලබාදීමේ අරමුණින් දීර්ඝ කාලයක් මුළුල්ලේ රුවන්වැල්ල අධිකරණයේ කාර්යාලවල පැවති ඉඩකඩ ප්‍රශ්නයට විසඳුමක් ලබා දීමේ අරමුණින් රුපියල් මිලියන 275ක වියදමින් ඉදිකිරීමට මෙම නව දිසා මහේස්ත්‍රාත් අධිකරණ ගොඩනැඟිල්ල ඉදි කරනු ලැබේ.
අධිකරණ සේවාවන් කාර්යක්ෂම කිරීමට සඳහා දැනට පවතින ගොඩනැඟිලි පහසුකම් දියුණු කිරීම සඳහා, යටිතල පහසුකම් දියුණු කිරීමේ ව්‍යාපෘතිය යටතේ මෙම නව අධිකරණ ගොඩනැඟිල්ල ඉදි කෙරේ.
මෙම අධිකරණ ගොඩනැඟිල්ල මහේස්ත්‍රාත් අධිකරණ, දිසා අධිකරණ, ලේඛණාගාර, නීතීඥවරුන්ගේ කාර්යාල වැනි නවීන පහසුකම් වලින් සමන්විත වන අතර මෙය ඉඳිකිරීමෙන් පසු රුවන්වැල්ල අධිකරණ බල ප්‍රදේශයේ ජනතාවට ඵලදායි අධිකරණ සේවාවක් ලබා ගැනීමට ඉඩකඩ ලැබෙනු ඇතැයි අධිකරණ අමාත්‍යංශය වැඩිදුරටත් සඳහන් කරයි.
