ජාතික ඖෂධ නියාමන අධිකාරි පනත යටතේ සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා විසින් අක්ෂි කාච වර්ග 38 ක මිල අඩු කිරීම වෙළෙද පොලේ ක්‍රියාත්මක වන ආකාරය පිළිබඳ විමර්ශණයක් ආරම්භ කර ඇති බව සෞඛ්‍ය අමාත්‍යාංශය සඳහන් කරයි.
සෞඛ්‍ය අමාත්‍යවරයාගේ උපදෙස් මත ඊයේ (20) සිට ජාතික ඖෂධ නියාමන අධිකාරියේ නිලධාරින්, ආහාර හා ඖෂධ පරීක්ෂකවරු විසින් විමර්ශන කටයුතු ආරම්භ කර තිබේ.
එහිදී පසුගිය සිකුරාදා (17) නිකුත් කළ ගැසට් පත්‍රයට අනුව අක්ෂි කාච සමාගම් විසින් අක්ෂි කාච පාරිභෝගිකයින්ට අලෙවි කිරීම සම්බන්ධයෙන් වහාම විමර්ශණ ආරම්භ කරන ලෙස සෞඛ්‍ය අමාත්‍යවරයා ජාතික ඖෂධ නියාමන අධිකාරියේ සභාපති මහාචාර්ය අසිත ද සිල්වා මහතාට පසුගියදා දැනුම් දී ඇත. යම්කිසි සමාගමක් වරදක් සිදුකර ඇත්නම් වහාම නඩු පවරන ලෙස ද සෞඛ්‍ය අමාත්‍යවරයා දැනුම් දී ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
