කාර්මික අධ්‍යාපන හා පුහුණු කිරීමේ දෙපාර්තමේන්තුව යටතේ ඇති ආයතනයක් වන මරදාන තාක්ෂණ විද්‍යාලය ශ්‍රී ලංකාව තුල පවත්නා සියළු තාක්ෂණ හා කාර්මික විද්‍යාල වල කේන්ද්‍රස්ථානයයි.

ප්‍රෞඩ ඉතිහාසයකට උරුමකම් කියන මරදාන තාක්ෂණ විද්‍යාලයට අයත් තොරතුරු හා සන්නිවේදන තාක්ෂණ සංගමය මගින් සංවිධානය කරනු ලබන තොරතුරු හා සන්නිවේදන තාක්ෂණ දිනයක් ජූලි 15 වන දිනට යෙදී තිබුන ජාතික නිපුණතා දිනය සැමරීම සමගාමීව පැවැත්වීමට කටයුතු යොදා ඇත.

ජූලි 26 වන අගහරුවාදා දින පෙ.ව. 9.00 සිට ප.ව. 3.00 දක්වා මරදාන තාක්ෂණ විද්‍යාලය පරිශ්‍රය තුල මෙ‍ම වැඩසටහන පැවැත්වීමට කටයුතු සංවිධානය කර ඇත. මෙම තොරතුරු හා සන්නිවේදන තාක්ෂණ දිනය තුල එම ක්ෂේත්‍රයට අදාලව ප්‍රවීනයන්ගේ දේශණ, ප්‍රදර්ශණ කුටි හා විශේෂාංග ඇතුළු විවිධ අංග රැසකින් සමන්විතවේ. තොරතුරු හා සන්නිවේදන තාක්ෂණය පිළිබඳ ඇල්මක් දක්වන සියළුදෙනා හට මේ සඳහා සහභාගී වී විශාල දැනුම් සම්භාරයක් ලබා ගැනීමට හැකිවන පරිදි මෙම දිනය සංවිධානය කර ඇත.