වසර 2020 වන විට ශ්‍රී ලංකාව තුළ දුම්කොළ වගා කිරීම සම්පූර්ණයෙන්ම අත්හිටුවන බව සෞඛ්‍ය හා පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පැවසීය.
රජයේ ප්‍රවෘත්ති දෙපාර්තමේන්තුවේ ඊයේ (21) පැවති අමාත්‍ය මණ්ඩල තීරණ දැනුම් දීමේ මාධ්‍ය හමුවේදී ඒ මහතා මේ බව සඳහන් කළේය.
ඒ අනුව ඉදිරියේදී 80%ක් සෞඛ්‍යමය අවවාද සහ ඉතිරි 20% සුදු පාට හිස් පසුබිමකින් යුතුව දුම්වැටි පැකැට්ටුව සකස් කිරීමට අදාළ සමාගමට අවශ්‍ය උපදෙස් නිකුත් කරන බව ද අමාත්‍යවරයා පැවසීය.
මේ වන විට මෙම ක්‍රමවේදය වර්තමානයේ ඕස්ට්‍රේලියාවේ, ප්‍රංසය, එක්සත් රාජධානිය ක්‍රියාත්මක වන බව ද අමාත්‍යවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
