ඒ අනුව සත්‍ය වශයෙන් ම පවතින 20000ක පමණ ගුරු හිඟයට ද ඉක්මණින් පිළියම් යොදන බව අමාත්‍යවරයා සඳහන් කළා.

අමාත්‍යවරයා මේ අදහස් පළ කළේ පසුගිය දා කුරුණෑගල සඳලංකාව ජාතික පාසලේ පැවති වාර්ෂික ත්‍යාග ප්‍රදානෝත්සවයට එක්වෙමිනි.

ඒ අනුව, 2018 වසරේ සිට අලුතින් ගුරුවරු බඳවා ගැනීම පාසල පදනම් කරගෙන සිදුකරන බවත්, ඒ ඒ විෂයයන්වලට හිඟ ගුරුවරුන් හඳුනාගෙන අදාළ බඳවාගැනීම් සිදු කරන බවත් අමාත්‍යවරයා පෙන්වා දුන්නේය.

මෙවර විද්‍යාපීඨවලට සිසුන් බඳවා ගැනීමේ දී ඉසෙඩ් අගය (Z SCORE) ද පදනම් කරගනිමින් 50%ක් දිස්ත්‍රික් පදනමින් සහ 50%ක් ප්‍රාදේශීය ලේකම් කොට්ඨාස මට්ටමින් සිසුන් බඳවා ගැනීමට පියවර ගන්නා බව සඳහන් කළ අමාත්‍යවරයා පසුගිය වසරේ විද්‍යාපීඨ සඳහා වැඩිපුර සිසුන් 1,500ක් බඳවා ගැනීමට කටයුතු කළ බව ද සඳහන් කළේය.

මෙරට වටිනා මානව සම්පත නිවැරදිව ‍රටේ සංවර්ධනය වෙනුවෙන් යොදාගැනීම සඳහා කටයුතු කළ යුතු බව ද අමාත්‍යවරයා වැඩිදුරටත් අවධාරණය කළේය.