කොළඹ විශ්වවිද්‍යාලයේ උපකුලපති මහාචාර්ය ලක්ෂ්මන් දිසානායක මහතාගේ ප්‍රධානත්වයෙන් පැවැත්වෙන මෙම උත්සවයට විශ්වවිද්‍යාලීය ආචාර්ය මහාචාර්යවරුන් ඇතුළු සංචාරක කර්මාන්තයේ ප්‍රවීණයෝ රැසක් සහභාගී වීමට නියමිතය.
සංචාරක ක්ෂේත්‍රයේ රැකියාවල නියුතු වූවන්ට අවශ්‍ය න්‍යායික, සංකල්පමය හා විශ්ලේෂණාත්මක ප්‍රවීණතාවය ලබා දෙමින්, ඔවුන්ගේ වෘත්තීයමය හැකියාවන් වර්ධනය කිරීමේ අරමුණින් මෙම පාඨමාලා ආරම්භ කර ඇති බව පාඨමාලා සම්බන්ධීකාරක ආචාර්ය සුරංග සිල්වා මහතා පවසයි.
සංචාරක කර්මාන්තයේ තීරණ ගන්නන්, සැලසුම්කරුවන්, ප්‍රතිපත්ති සම්පාදකයින් හා වෙළඳපල විශ්ලේෂකයින් සහ සංචාරක ක්ෂේත්‍රයට අවශ්‍ය නව ව්‍යවසායකයින් බිහි කිරීමට මෙමගින් අවකාශ සැලසෙනු ඇත.
