පසුගිය වසර 70 තුළ මේ රට පාලනය කළේ එක්සත් ජාතික පක්ෂය හා ශ්‍රි ලංකා නිදහස් පක්ෂය බව පෙන්වා දුන් ඇමැතිවරයා අද එම පක්ෂ දෙක එකතු වෙලා ජාතික ආණ්ඩුවක් බිහි කරලා තිබෙන අතර එහිදී වෙනත් සංධාන පක්ෂ හැදුවට වැඩක් නැති බව ද සඳහන් කළේය.
මේ ජාතික ආණ්ඩුව ජනතාවගේ මුලික අවශ්‍යතා ඉටු කර තිබෙන අතර යුරෝපා මත්ස්‍ය තහනම ඉවත් කර ගැනිමට කටයුතු කළ බවත් ජී.එස්.පී ප්ලස් සහනය ලබා ගැනීමට අවශ්‍ය පියවර ගනිමින් සිටින බවත් අමාත්‍යවරයා පෙන්වා දුන්නේය.
අඩු ආදායම්ලාභි ජනතාවගේ නිවාස ප්‍රශ්නය විසදිම සඳහා සිමෙන්ති ලබා දිමේ වැඩපිළිවෙලේ මහරගම ආසනයේ ජනතාව වෙත සිමෙන්ති ලබාදිමේ දෙවන අදියරයට එක් වෙමින් ඊයේ (14) අමාත්‍යවරයා මේ බව පැවසීය.
නිවාස සංවර්ධන අධිකාරියේ සහයෝගය ඇතිව මහරගම ප්‍රාදේශීය ලේකම් කාර්යාලය විසින් මෙම වැඩසටහන සංවිධානය කර තිබු අතර දෙවන අදියර යටතේ අඩු ආදායමිලාභින් 30 දෙනෙකු සඳහා එක් අයෙකුට සිමෙන්ති මිටි 10 බැගින් ලබාදීම සිදු විය.අදියර 10 ක් යටතේ ඉදිරියේදි තවත් පවුල් 217 ක් සදහා සිමෙන්ති ලබාදිමට නියමිතව තිබේ.
වැට් බද්ද වැඩි කර ජනතාවට පීඩාවට පත් කර තිබෙන බව සමහර පිරිස් චොදනා කළත් අත්‍යවශ්‍ය භාණ්ඩවලින් වැට් බද්ද ඉවත් කර තිබෙන බවත් රජයට විශාල ණය බරක් තිබෙන අතර ජාතික ආදායමේ 97%ක් ණය සහ පොලිය ගෙවීමට සිදු වී තිබෙන බවත් අමාත්‍යවරයා වැඩිදුරටත් පෙන්වා දුන්නේය.
