රණවිරු දරුවන් ඉගෙනුම ලබන ආරක්ෂක සේවා විද්‍යාල සංවර්ධන කටයුතු වෙනුවෙන් ශ්‍රී ලංකාවේ චීන තානාපති කාර්යාලයේ අනුග්‍රහයෙන් මූල්‍යමය පරිත්‍යාගයක් ලබාදීම ඊයේ (13) ආරක්ෂක අමාත්‍යංශ පරිශ්‍රයේ දී සිදුවිය.
ශ්‍රී ලංකාවේ චීන තානාපති කාර්යාලයේ ආරක්ෂක කටයුතු පිළිබඳ උපදේශක ජ්‍යෙෂ්ඨ කර්නල් ලී චෙන්ග්ලිං (Senior Colonel Li Chenglin) මහතා විසින් රුපියල් මිලියන 3.2 ක මුදලක් ආරක්ෂක රාජ්‍ය අමාත්‍ය රුවන් විජයවර්ධන මහතා වෙත භාරදීම සිදුවිය.
මෙම අවස්ථාව සඳහා ආරක්ෂක අමාත්‍යාංශයේ ලේකම් ඉංජිනේරු කරුණාසේන හෙට්ටිආරච්චි,ආරක්ෂක රාජ්‍ය අමාත්‍යංශයේ ලේකම් ඒ.ජී.පී.කිත්සිරි යන මහත්වරු සහ ආරක්ෂක සේවා විද්‍යාලයේ විදුහලපතිනිය ඇතුළු පිරිසක් සහභාගිවී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
