දිවයින පුරා පාසල්වල පිරිමි හා කාන්තා ශිෂ්‍යභට කණ්ඩායම් අතරින් දක්ෂතම පිරිමි කණ්ඩායමට හිමි “හර්මන්ලුස්” ශූරතා කුසලානය මහනුවර සාන්ත සිල්වෙස්තර විද්‍යාලය විසින්ද දක්ෂතම කාන්තා කණ්ඩායමට හිමි “ද සොයිසා” ශූරතා කුසලානය කුරුණෑගල මලියදේව බාලිකා විද්‍යාලය විසින් ද දිනාගන්නා ලදී.
අභියෝගවලට මුහුණ දිය හැකි විනය ගරුක තරුණ පරපුරක් ගොඩනැඟීමට ජාතික ශිෂ්‍යභට බලකායෙන් සුවිශේෂි දායකත්වක් ලැබුණු බව ආරක්‍ෂක රාජ්‍ය අමාත්‍ය රුවන් විජයවර්ධන මහතා පැවසීය.
විශේෂයෙන්ම ජාතික ශිෂ්‍යභට බළකා පුහුණුව වගේම වාර්ෂිකව පැවැත්වෙන මෙම තරගාවලිය සිසු දරුවන්ගේ ජීවිතයට වැදගත් අත්දැකීමක් වන බව ද අමාත්‍යවරයා වැඩිදුරටත් පැවසීය.
ජාතික ශිෂ්‍යභට බලකා අධ්‍යයක්ෂ මේජර් ජෙනරාල් චන්දන රාජගුරු, සාක් කළාපීය රටවල් 05 ක ශිෂ්‍ය බලකා අධ්‍යක්ෂවරු ඇතුලු ජ්‍යෙෂ්ඨ නිලධාරින් රැසක් සහ ශිෂ්‍ය භටයින් මේ අවස්ථාවට සහභාගී වූහ.
