ශ්‍රී ලංකාව හා බංග්ලාදේශය අතර ජනමාධ්‍ය සහයෝගීතාව ඇති කිරීමේ වැඩසටහනේදී පුහුණු පාඨමාලාවන් ඇති කිරීම මෙන්ම මාධ්‍යවේදීන් හුවමාරු වැඩසටහන් ඇතිකිරීමටත් අපේක්ෂා කෙරේ.
මෙරට ඇති වී තිබෙන මාධ්‍ය නිදහස සම්බන්ධයෙන් හසන් හක් ඉනු මහතා මේ හමුවේදී සිය ප්‍රසාදය පළ කර ඇත. නව මාධ්‍ය සඳහා ලබා දී ඇති නිදහස පිළිබඳවත් බංග්ලාදේශ ප්‍රවෘත්ති ඇමැතිවරයා සතුට පළකළ අතර ශ්‍රී ලංකාවේ විශ්වවිද්‍යාල හා අදාළ වෙනත් ආයතනවලින් බංග්ලාදේශ සිසුන්ට ජනමාධ්‍ය, සිනමාව පිළිබඳ ව දැනුම ලබාගැනීමට අපේක්ෂා කරන බව ද සඳහන් කළේය.
එමෙන්ම බංග්ලාදේශය තුළ ප්‍රජා ගුවන්විදුලි වැඩසටහන් ප්‍රබල ලෙස ක්‍රියාත්මක වන බැවින් ශ්‍රී ලංකාව තුළ ප්‍රජා ගුවන්විදුලි සංකල්පය ප්‍රවර්ධනය කිරීමට සහය ලබාදීමටද ඒ මහතා කැමැත්ත පළ කළේය.
NDH
