බටහිර අප්‍රිකාවේ ගිනියා, ලයිබීරියා සහ සියෙරා ලියෝන් යන රටවල ඉබෝලා වෛරසයේ පැතිරීමේ වේගය ශීඝ්‍රයෙන් ඉහළ ගොස් ඇති අතර අනෙකුත් බටහිර අප්‍රිකානු රටවල් හා ස්පාඤ්ඤය සහ ඇමරිකාව යන රටවලින් ද ඉබෝලා තත්ත්ව වාර්තා වී ඇත.
පසුගිය බ්‍රහස්පතින්දා (23) මාලි රටේ පළමු ඉබෝලා රෝගියා හමු වූ අතර එය බටහිර අප්‍රිකාවේ ඉබෝලා රෝගීන් වාර්තා වූ හය වැනි රට වේ. ගිනියාවේ සිට ඇමරිකාවේ නිව් යෝක් නගරයට පැමිණි වෛද්‍යවරයෙකුට ද ඉබෝලා රෝගය වැළඳී ඇති බවට හඳුනාගෙන ඇතැයි එරට මාධ්‍ය වාර්තා කරයි.
මාලි යනු ගිනියාවේ සීමා මායිමේ පිහිටි රටක් වන අතර සිය මිත්තණිය සමඟ ගිනියාවේ සිට බසයෙන් මාලි වෙත පැමිණි අවුරුදු 2ක් වයසැති ගැහැණු දරුවෙකුට ඉබෝලා රෝගය වැළඳී ඇති බවට එරට වෛද්‍යවරුන් හදුනා ගෙන ඇති අතර ඇය පසුගිය සිකුරාදා (24) මිය ගොස් ඇතැයි වාර්තා වේ.
SDF
