ලෝක කුසලාන ක්‍රිකට් තරගාවලිය යටතේ පාකිස්තානයට එරෙහිව ඊයේ (10) පැවැති තරගයේ දී අති විශීෂ්ඨ ශතකයක් වාර්තා කිරීමට සමත් කුසල් මෙන්ඩිස් මස් පිඬු ආබාධයකට ගොදුරු වී තිබීම නිසා ඔහුව වහාම රෝහල් ගත කිරීමට ශ්‍රී ලංකා කණ්ඩායම් කළමනාකාරීත්වය පියවර ගෙන තිබේ.
එම තරගයේදී පන්දු 77 කට මුහුණ දුන් කුසල් මෙන්ඩිස් ලකුණු 122 ක් රැස් කරන ලද්දේ ශ්‍රී ලංකාව වෙනුවෙන් ලෝක කුසලාන තරගාවලියකදී වේගයෙන්ම ශතකයක් රැස් කරන ලද පිතිරුවාගේ වාර්තාවද සියතට ගනිමිනි.
මේ හේතුවෙන් කුසල් වෙනුවට පන්දු රැකීමේ කාර්යය සඳහා දුශාන් හේමන්තගේ සේවය ලබා ගත් අතර කුසල්ගෙන් හිස්වන කඩුලු රැකීමේ කාර්යය සධීර සමරවික්‍රම විසින් සිදුකරන ලදි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
