2016 ජාතික පැරා මලල ක්‍රීඩා උළෙල 2016 අද (21) ආරම්භ වෙයි. මලල ක්‍රීඩා උළෙල හෙට 22 සහ අනිද්දා 23 යන දිනවල දියගම, මහින්ද රාජපක්ෂ ක්‍රීඩාංගනයේ දී පැවැත්වෙන බව ක්‍රීඩා අමාත්‍යාංශය පවසයි.
සමාරම්භක උත්සවය 2016 ජනවාරි 21 දින පෙ.ව.8.00 ට සමාජ බලගැන්වීම් හා සුභසාදක අමාත්‍ය එස්.බී.දිසානායක මැතිතුමාගේ ප්‍රධානත්වයෙන් පැවැත්වේ. සමාප්ති උළෙල 2016 ජනවාරි 23 වන දින ප.ව.3.00 ට ක්‍රීඩා අමාත්‍ය දයාසිරි ජයසේකර මැතිතුමාගේ ප්‍රධානත්වයෙන් පැවැත්වේ.
මෙවර දිවයින් පුරා පවතින ක්‍රීඩා සමාජ 32 කින් ක්‍රීඩක ක්‍රීඩිකාවන් 600 ක් පමණ සහභාගී වේ. ඩයලොග් ආයතනය හා ක්‍රීඩා අමාත්‍යාංශය මෙවර මෙම ක්‍රීඩා උළෙල සදහා දායකත්වය දක්වයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
