කැනඩාවේ පැවති පොදු රාජ්‍ය මණ්ඩලීය සවි එසවීමේ තරඟාවලියේ රන් පදක්කම් 6 ක් සහ රිදී පදක්කම් 1 ක් දිනාගත් රන්සිළු ජයතිලක සහ කනිෂ්ඨ අංශයේ රන් පදක්කම් 4 ක් දිනාගත් ධනුෂ්ක ජයතිලක යන ක්‍රීඩකයන් පසුගියදා (11) ක්‍රීඩා අමාත්‍යාංශ කාර්යාලයේදී ක්‍රීඩා අමාත්‍ය දයාසිරි ජයසේකර මහතා හමුවිය.
එහිදී ක්‍රීඩා අමාත්‍යවරයා එම ක්‍රීඩකයන්ට ඔවුන්ගේ ක්‍රීඩා කටයුතු සඳහා අවශ්‍ය පහසුකම් ලබාදීමටත් ක්‍රීඩා අමාත්‍යංශයෙන් ලබාදිය හැකි පූර්ණ සහයෝගය ඉදිරියටත් ලබාදීමට කටයුතු කරන බව පැවසීය. ක්‍රීඩකයන් දෙපළ ක්‍රීඩා අමාත්‍යවරයාට ස්තූති කිරීමෙන් පසුව සමුහ ඡායාරූපයකට ද පෙනී සිටියහ.
තරගාවලියේ දී රන්සිළු ජයතිලක ක්‍රීඩකයා ඩෙඩ් ලිෆ්ට් ක්‍රමය යටතේ කිලෝ 305 බර පන්තිය ඔසවමින් ප්‍රථම වරට නව ආසියානු වාර්තාවක් ද පිහිටවා ඇත.
මෙම අවස්ථාවට ක්‍රීඩා අමාත්‍යංශයේ ලේකම් ආචාර්ය ඩබ්.එම් ආර්. බී . දිසානායක මහතාද සහභාගී විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
