ක්‍රීඩා අමාත්‍යාංශයේ ක්‍රීඩා අධ්‍යක්ෂ ජනරාල් කේ.ඩී.එස්.රුවන්චන්ද්‍ර මහතා ඇතුලු සම්භාවනීයයන්ගේ ප්‍රධානත්වයෙන් හෙට (05) දින ගල්කිස්ස ශාන්ත තෝමස් විද්‍යාලීය ගෘහස්ථ ක්‍රීඩාංගනයේ දී 2015 ජාතික මහා ක්‍රීඩා උළෙලේ මේස පන්දු තරග ආරම්භ වේ.
41 වන ජාතික මහා ක්‍රීඩා උළෙලේ මේස පන්දු තරග සඳහා ලියාපදිංචි කටයුතු අද (04) ප.ව. 2.00 සිට ක්‍රීඩා සංවර්ධන දෙපාර්තමේන්තු නව නේවාසිකාගාරයේදී සිදු කෙරේ.
මෙවර පළාත් 09 න්ම ක්‍රීඩිකාවන් 90 දෙනෙකු ජාතික මේස පන්දු ශූරතාවය සඳහා තරග වදිනු ඇත.
ත්‍යාග සහ කුසලාන ප්‍රදානෝත්සවය ක්‍රීඩා අමාත්‍යාංශ ලේකම් ඩී.එම්.ආර්.බී.දිසානායක මහතාගේ ප්‍රධානත්වයෙන් අනිද්දා (06) ප.ව. 3.00 ට ගල්කිස්ස ශාන්ත තෝමස් විද්‍යාලීය ගෘහස්ථ ක්‍රීඩාංගනයේදී පැවැත්වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
