41 වන ජාතික මහා ක්‍රීඩා උළෙලේ බර ඉසිලීමේ තරග හෙට (02) ටොරින්ටන්හි ක්‍රීඩා සංවර්ධන දෙපාර්තමේන්තු නව ක්‍රීඩා නේවාසිකාගාර ගෘහස්ථ ක්‍රීඩාංගනයේදී ක්‍රීඩා අධ්‍යක්ෂ ජනරාල් කේ.ඩී.එස්. රුවන්චන්ද්‍ර මහතාගේ ප්‍රධානත්වයෙන් ඇරඹේ.
බර ඉසිලීමේ තරග සඳහා ලියාපදිංචි කටයුතු අද (01) ප.ව. 2.00 සිට එම ගෘහස්ථ ක්‍රීඩාංගනයේ දී සිදු කෙරේ. මෙවර පළාත් 09න්ම ක්‍රීඩකයින් 270දෙනෙකු ජාතික බර ඉසිලීමේ ශූරතාවය සඳහා තරග වදිනු ඇත.
ත්‍යාග සහ කුසලාන ප්‍රදානෝත්සවය ක්‍රීඩා අධ්‍යක්ෂ ජනරාල් කේ.ඩී.එස්. රුවන්චන්ද්‍ර මහතාගේ ප්‍රධානත්වයෙන් අඟහරුවාදා (03) ප.ව.7.00 ට ක්‍රීඩා සංවර්ධන දෙපාර්තමේන්තු නේවාසිකාගාර ගෘහස්ථ ක්‍රීඩාංගනයේදී පැවැත්වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
