එබෝලා වෛරසය පළමු වරට වාර්තා වූ 1976 වසරේ සිට එබෝලා වෛරසය නිසා අධික ලෙස පීඩාවට පත් බටහිර අප්‍රිකානු රටවල් තුනෙන් එකක් ලෙස ලයිබීරියාව හැඳින්විය හැක. එබෝලා වෛරසය ශරිරගත වීමෙන් ලයිබීරියාව, ගිනියා සහ සියරා ලියොන් රාජ්‍යයන්හි 11,000ට වැඩි පිරිසක් මියගිය අතර ලයිබීරියාවෙන් මියගිය සංඛ්‍යාව 4700කි. ඒ අනුව වැඩිම පිරිසක් මියගොස් ඇත්තේ ලයිබීරියාවෙනි. ලයිබීරියාවේ අවසන් එබෝලා මරණය වාර්තාවූයේ මාර්තු 27 වෙනි දිනයේය. ලයිබීරියාව මෙසේ නිදහස් වුවද තවමත් මෙම වෛරසය පැතිරීම බටහිර අප්‍රිකාව තුළ අවසන් වී නැත.

ලයිබීරියානු ජනාධිපති එලන් සර්ලිෆ් විදෙස් මාධ්‍යයට පවසා ඇත්තේ එබෝලා නැමැති තමන් නොදන්නා භයානක සතුරා පරාජය කිරීම හේතුවෙන් ලයිබීරියා ජනතාව ප්‍රීතිමත් ජාතියක් බවට පත්වී ඇති බවයි.

SDF