බ්‍රිතාන්‍ය රාජකීය පවුලට එක් වූ නව සාමාජිකාව අද (02) මෙලොව එළිය දුටුවාය. ඒ කේම්බ්‍රිජ් ආදිපාදිවරිය වන කේට් මිඩ්ල්ටන් කුමරියට එරට වේලාවෙන් පෙරවරු 8.34ට ඇයගේ දෙවන දරුවා ලෙස දියණියක් ප්‍රසූත කිරීමයි.
ලන්ඩන් නුවර ශාන්ත මරියා රෝහලේ දී උපන් රාජකීය පවුලට එකතු වූ අලුත්ම සාමාජිකාවගේ උපත් බර කිලෝ ග්‍රෑම් 3.6ක් බව බී.බී.සී. පුවත් සේවය වාර්තා කරයි.
අවුරුද්දයි මාස 9ක් වයසැති ජෝර්ජ් කුමරු සිය පියා වන විලියම් කුමරු සමඟ නැඟණිය බැලීමට රෝහලට පැමිණ ඇති බවත් එහිදී ජනතාව අමතා තමන් ඉතාමත් සතුටට පත්ව සිටින බව විලියම් කුමරු පවසා ඇති බවත් විදෙස් මාධ්‍ය අනාවරණය කරයි.
අලුත උපන් කුමරිය එලිසබෙත් රැජිණගේ පස්වන මිණිපිරිය වේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
