මෙම පාපැදි තරගයේ දුර කිලෝ මීටර 120කි. පෙරවරු 8.00ට තණමල්විල නගරයෙන් ආරම්භ වන තරගය වැල්ලවාය, මොනරාගල හරහා බිබිල නගරයට පැමිණ අවසන් වෙයි.
තරගයේ ප්‍රථම ස්ථානය සඳහා මුදලින් රුපියල් 25,000ක් ප්‍රදානය කෙරෙන අතර මීට අමතරව පළමු, දෙවැනි හා තෙවැනි ස්ථාන සඳහා රන්, රිදී හා ලෝකඩ පදක්කම් හා බයිසිකල් ද පිරිනැමෙනු ඇත.
තරගයේ පළමු දස දෙනාට මුදල් ත්‍යාග පිරිනැමෙන අතර පළමුවැන්නා සිට විසිවැන්නා දක්වා සියලුම තරගකරුවන්ට සහතික පත් ප්‍රදානය කෙරෙනු ඇත.
අභ්‍යන්තර ප්‍රවාහන අමාත්‍යංශය සංවිධානය කරන මෙම පාපැදි තරගය ශ්‍රී ලංකා පාපැදි සම්මේලනය මෙහෙයවනු ලබයි. තරගය සඳහා තමන් විසින්ම සකස් කරගත් අයැදුම් පත් අභ්‍යන්තර ප්‍රවාහන අමාත්‍යංශය හෝ මොණරාගල එක්සත් ජාතික පක්ෂ ප්‍රධාන කාර්යාලයට එවන ලෙස සංවිධායකයෝ දන්වා සිටිති.
SDF
