‘ඉ- නායකත්ව සංවර්ධනය‘ තේමා කර ගනිමින් මෙය ක්‍රියාවට නංවා තිබෙන බව නියෝජිතායතනය කියා සිටියේය.
මේ යටතේ රාජ්‍ය ආයතනයන්හි කාණ්ඩ දෙකකට අයත් නිලධාරීන් සඳහා මෙම ඉ-නායකත්ව සංවර්ධන පුහුණුව ලබා දීමට සැලසුම් කර ඇත.
මේ අනුව රාජ්‍ය ආයතනයන් තුළ ඉ-රාජ්‍ය සංකල්පය යථාර්තයක් කර ගැනීමට අවශ්‍ය පුහුණුව මෙම නිලධාරීන්ට මෙහිදී ලබා දෙනු ඇත.
පුහුණුවේදී ලබා ගත් මෙම දැනුම රාජ්‍ය ආයතනයේ සෙසු නිලධාරීන්ට ලබාදීම, ඉ-රාජ්‍යයට සුදුසු පසුබිම රාජ්‍ය ආයතනයක් තුළ නිර්මාණය කිරීම ඒ අනුව කාර්යක්ෂමව මහජන සේවාවන් සිදු කිරීම ආදී කටයුතු මෙම ඉ- නායකත්ව සංවර්ධන පුහුණුව ලබන නිලධාරීන්ට පැවරෙනු ඇත.
රාජ්‍ය නිලධාරීන් දෙසීයක‍ට පමණ මෙම පුහුණුව ලබා දීමට නියමිත බවද නියෝජිතායතනය පැවසීය.
විශිෂ්ට ලෙස මහජන සේවා සැපයීම සඳහා තොරතුරු තාක්‍ෂණය භාවිත කරන රටවල් අතරින් ශ්‍රී ලංකා‍ව දකුණු ආසියාවේ මුල් තැනට පත්වී තිබෙන බව 2014 එක්සත් ජාතීන්ගේ ‘ඉ-රාජ්‍ය’ සංවර්ධන වාර්තාව පසුගියදා අනාවරණය කර තිබු බවද නියෝජිතායතනය ප්‍රකාශ කළේය.
SDF
