උතුරු මැද පළාත් සමුපකාර, වෙළඳ හා ආහාර, කුඩා කර්මාන්ත, පේෂ කර්මාන්ත, ග‍්‍රාම සංවර්ධන හා සංචාරක අමාත්‍යවරයා ලෙස පළාත් ප‍්‍රධාන අමාත්‍ය එස්.එම්. රංජිත් සමරකෝන් මහතා ඊයේ (24) සවස උතුරු මැද පළාත් ආණ්ඩුකාර කරුණාරත්න දිවුල්ගනේ මහතා ඉදිරියේදි ආණ්ඩුකාර කාර්යාලයේදි දිවුරුම් දුන්නේය.
පළාත් සභා මන්ත‍්‍රී පේෂල ජයරත්න බණ්ඩාර මහතා එම අමාත්‍යාංශයෙන් ඉවත් කිරීමෙන් පසු ප‍්‍රධාන ඇමතිවරයා එම අමාත්‍යාංශයේ දිවුරුම් දුන්නේ නීතිය හා සාමය, මුදල් ක‍්‍රම සම්පාදන, පළාත් පාලන, පළාත් වාරිමාර්ග, ඉඩම්, පළාත් මාර්ග සංවර්ධන, ග‍්‍රාමීය යටිතල පහසුකම් සහ ක‍්‍රීඩා හා යෞවන කටයුතු යන අමාත්‍යාංශවලට අමතරවය.
ඡායාරූපය: ප‍්‍රධාන අමාත්‍ය එස්.එම්. රංජිත් සමරකෝන් මහතා ආණ්ඩුකාර කරුණාරත්න දිවුල්ගනේ මහතා ඉදිරියේ දිවුරුම් දුන් අවස්ථාව
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
