මල් වගාව සම්බන්ධව කාන්තා ව්‍යවසායකයින් දැනුවත් කිරීමේ වැඩමුළුවක් මේ මස 09 දින පෙ.ව. 9.30ට ගම්පොළ ජාතික උරුමය මධ්‍යස්ථානයේ දී අග්‍රාමාත්‍ය ආර්යා අනුලා ජයරත්න මහත්මියගේ ප්‍රධානත්වයෙන් පැවැත්වෙන අතර, එම වැඩමුළුව සේවා වනිතා ඒකකයේ ද සහයෝගය ඇතිව ක්‍රියාත්මක කෙරේ.
එහිදී කෘෂිකර්ම දෙපාර්තමේන්තුවේ හා අපනයන සංවර්ධන මණ්ඩලයේ නිලධාරීන් විසින් විශේෂ දේශන පැවැත්වෙනු ඇත.
මෙම වැඩමුළුවට සමගාමී ව අද දින ද විශේෂ සාකච්ඡාවක් අග්‍රාමාත්‍ය කාර්යාලය, බුද්ධශාසන හා ආගමික කටයුතු අමාත්‍යාංශය ඒකාබද්ධව ජයරත්න මහත්මියගේ ප්‍රධානත්වයෙන් අග්‍රාමාත්‍ය කාර්යාලයීය ශ්‍රවණාගාරයේ දී පැවැත්විණ.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
