ජලජීවී වගාව හා ජලජ පැළෑටි වගා කර්මාන්ත මඟින් රටට විශාල විදේශ විනිමයක් උපයාගත හැකි වේ. පවුලේ ආර්ථීකය ඉහළ නංවා ගැනීමටද හැකිවන බැවින් කර්මාන්තය රට තුළ ප්‍රචලිත කිරීමේ අරමුණ ඇතිව ධීවර අමාත්‍යාංශය ක්‍රියාවට නංවා ඇති මෙම වැඩපිළිවෙළ වඩාත් ඵලදායී ලෙස කරගෙන යාම සඳහා අවශ්‍ය තාක්ෂණික හා විශේෂඥ දැනුම ලබාදීම මෙහිදී සිදු විය.
මෙම තෙදින වැඩමුළුව සඳහා එක්වූ නියෝජ්‍ය අමාත්‍යවරයා පැවසුවේ, විසිතුරු මත්ස්‍ය කර්මාන්තය රට තුළ ප්‍රචලිත කිරීම හා ඒ තුළින් රටේ ජනතාවගේ ආර්ථීකය නංවාලීමට හැකි වේ. ඒ සඳහා ධීවර අමාත්‍යාංශයෙන් ලබාදිය හැකි උපරිම සහය ලබා දෙන බවත් මෙම කර්මාන්තය තුළ නියැළීම මහත් තෘප්තියක් ගෙන දෙන බවත් අමාත්‍යවරයා කියා සිටියේය.
මෙම වැඩමුළුවට ගම්පහ දිස්ත්‍රික්කයේ රාජ්‍ය නිලධාරීන් හා ගම්පහ දිස්ත්‍රික්කයේ ධීවර කර්මාන්තයේ නියැළෙන පිරිසක් එක්ව සිටියහ.
NDH
