නියඟයෙන් පීඩාවට පත් පොලොන්නරුව දිස්ත්‍රික්කයේ ග්‍රාම නිලධාරී වසම් 143 ජනතාව සඳහා පානීය ජලය සැපයීමේ වැඩසටහනට ඩී.එෆ්.සී.සී. (DFCC) බැංකුව ද සහය ලබා දෙන බව පොලොන්නරුව දිස්ත්‍රික් අප මාධ්‍ය ඒකකය පවසයි.
මේ යටතේ ලීටර් 1000 ජල ටැංකි 15ක් පොලොන්නරුව දිස්ත්‍රික් ලේකම් නිමල් අබේසිරි මහතා වෙත භාර දීම DFCC බැංකුවේ කදුරුවෙල ශාඛාවේ පාරිභෝගික සේවා කළමනාකාර මහේෂ් වීරසිංහ මහතාගේ මූලිකත්වයෙන් පසුගියදා පොලොන්නරුව දිස්ත්‍රික් ලේකම් කාර්යාල පරිශ්‍ර යේදි සිදු කෙරිණි.
මේ අවස්ථාවට දිස්ත්‍රික් ආපදා කළමනාකරණ සහකාර අධ්‍යක්ෂ උපුල් නානායක්කාර, ප්‍රධාන පරිපාලන නිලධාරී තිස්ස දයාරත්න, DFCC බැංකුවේ පාරිභෝගික සේවා නිලධාරී තාරක සම්පත් යන මහත්වරු එක්ව සිටියහ.
NDH/WK-BG dmu polonnaruwa
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
