වකුගඩු රෝගීන්ට ප්‍රතිකාර කිරීම සඳහා මැදවච්චිය ප්‍රාදේශීය ලේකම් කාර්යාලයට යාබද ඉඩමක වහාම ක්‍රියාත්මක වන පරිදි වකුගඩු රෝග නිවාරණ පර්යේෂණ රෝහලක් ආරම්භ කිරීමට දේශීය වෛද්‍ය අමාත්‍යාංශය පියවර ගෙන ඇත.
අක්කර 1.5ක භූමියක මෙම නව රෝහල ඉදිකෙරෙන අතර, එහි මුල් අදියර තුළ කාන්තාවන් 25දෙනෙකුට සහ පිරිමි 25ක් වෙනුවෙන් රෝහල් ඇඳන් සහිතව මෙම රෝහල ඉදි කෙරේ. මෙම රෝහල A 9 මාර්ගයට ආසන්නව ඉදිකිරීම නිසා රෝගීන්ට පහසුවෙන් රෝහල කරා පැමිණීමටද ඉඩප්‍රස්ථාව සැලසෙනු ඇත.
රෝහල ඉදිකිරීම සඳහා රුපියල් මිලියන 53.8ක මුදලක් වැය කෙරෙන අතර, මාස තුනක් වැනි කෙටි කාලයක් තුළ රෝහල ඉදිකිරීමේ කටයුතු අවසන් කිරීමට පියවර ගෙන ඇති බව දේශීය වෛද්‍ය අමාත්‍යාංශය පවසයි.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
