යෝජිත කොළඹ - මහනුවර අධිවේගී මාර්ගයේ කෑගල්ල නගරය සඳහා පිවිසුම් මාර්ගය ආරම්භ වන බතඹුරේ මෙම නව ක්‍රීඩාංගණයේ සංවර්ධන කටයුතු සඳහා පළාත් සභාව වෙන් කර ඇති මුදල රුපියල් ලක්ෂ 140කි.
දිවයිනට පැමිණෙන විදේශ සංචාරකයින් 80%කට වැඩි පිරිසක් පින්නවලට පැමිණෙන අතර පින්නවලට ආසන්නතම රඹුක්කන නගරය මෙන්ම ආසන්න කුඩා නගර සංවර්ධනය කෙරෙන මෙම වැඩපිළිවෙළ සඳහා නාගරික සංවර්ධන අධිකාරියේ ද පූර්ණ සහය පළවේ.
බතඹුරේ ක්‍රීඩාපිටිය සංවර්ධන කටයුතු පළමු අදියර පසුගිය දා ආරම්භ වුයේ සබරගමු මහ ඇමති මහීපාල හේරත් සහ කෑගල්ල දිස්ත්‍රික් පාර්ලිමේන්තු මන්ත්‍රී කනක හේරත් යන මහත්වරුන්ගේ සහභාගීත්වයෙනි.
එම පළමු අදියරට ප්‍රේක්ෂකාගාරයක්, ක්‍රීඩක ක්‍රීඩිකාවන් සඳහා විවේකාගාරයක්, සනීපාරක්ෂක පහසුකම් ඇතුළු පොදු පහසුකම් රැසක් ඇතුළත් වෙනු ඇතැයි සබරගමු පළාත් සභාව සඳහන් කරයි.
DB
