රාජ්‍ය කළමනාකරණ ප්‍රතිසංස්කරණ අමාත්‍යාංශයේ මෙහෙයවීමෙන් ආරම්භ කෙරුණු මෙම වැඩසටහන සඳහා රාජ්‍ය කළමනාකරණ ප්‍රතිසංස්කරණ අමාත්‍ය නවීන් දිසානායක මහතා සහභාගීත්වයෙන් පැවැත්විණි.
පරිගණක සාක්ෂරතාවෙන් යුත් රජ්‍ය නිලධාරීන් තුළින් වඩාත් කාර්යක්ෂම සහ මහජන සේවාවක් සම්පාදනය කිරීම මෙහි අරමුණයි. රාජ්‍ය ආයතනයන්හි සේවයේ නියුතු නිලධාරීන් 50කට ආසන්න ප්‍රමාණයක් මේ වැඩසටහන සඳහා සහභාගී වී සිටි අතර නුවරඑළිය දිස්ත්‍රික්කයේ ප්‍රාදේශීය මාධ්‍යවේදීන්හට ද මීට සහභාගී වීමට අවස්ථාව හිමි වේ.
රාජ්‍ය කළමනාකරණ ප්‍රතිසංස්කරණ අමාත්‍යාංශයේ මෙහෙයවීමෙන් නුවරඑළිය දිස්ත්‍රික්කයේ රාජ්‍ය ආයතන තුළ විවිධ වූ කළමනාකරණ වැඩසටහන් ක්‍රියාත්මකය. එමෙන් ම ඊ සේවාවන් ව්‍යාප්ත කිරීමත් ඒ මඟින් කාර්යක්ෂම මහජන සේවාවක් සපයා දීමත් මෙම පරිගණක පාඨමාලාවන් හි මූලිකම අරමුණයි. මේ වන විට ඒ සඳහා පාඨමාලා 34කට ආසන්න ප්‍රමාණයක් ආරම්භ කොට තිබේ. මෙම පුහුණු වැඩසටහන සඳහා රාජ්‍ය සේවයේ නියුතු රියදුරු මහන්තුන්ට ද විවෘත බව නුවරඑළිය දිස්ත්‍රික් ලේකම් කාර්යාලය පවසයි.
මෙම අවස්ථාව සඳහා නුවරඑළිය දිස්ත්‍රික් ලේකම් ඩී.පී.ජී. කුමාරසිරි මහතා ඇතුළු නිලධාරීන් රැසක් සහභාගි වී සිටියහ.
NDH/SH-dmu nuwaraeliya
