ඔක්තෝම්බර් මස තුන්වනදා අනුරාධපුරයට පැමිණි වාරිමාර්ග හා ජල කළමනාකරණ අමාත්‍ය විජිත් විජිතමුණි සොයිසා මහතා, නුවරවැව හා මහ කනදරා යන ජලාශයන් හි ප්‍රතිසංස්කරණයන් සිදුවන ආකාරය නිරික්ෂණය කළේ ය. එහීදි මෙම වාරි ව්‍යාපෘතීන් ඇතුළු ප්‍රතිසංස්කරණයට ලක්වෙමින් පවතින අනුරාධපුර දිස්ත්‍රික්කයේ සියලු වාරි ව්‍යාපෘතීන්හි වැඩකටයුතු ඉතා කඩිනමින් අවසන් කරන ලෙස එම ව්‍යාපෘති භාර නිලධාරීන් වෙත අමාත්‍යවරයා උපදෙස් ලබාදුන්නේ ය.
මහ කනදරාව ජලාශයේ වේලි ආරක්ෂණ වැඩපිලිවෙළ අවසන් අදියරේ පවතින අතර එළඹෙන මහ කන්නයේ දී වගා කටයුතු සදහා ස්ථිර වශයෙන්ම ජලය නිකුත් කරන බවට අමාත්‍යවරයා ගොවි ජනතාව ඉදිරියේ පැවසීය. වේළි ආරක්ෂණ ඇතුළු මෙම ප්‍රතිසංස්කරණ ව්‍යාපෘතින්ට වැය කරන මුදල රුපියල් මිලියන 2,000 කි.
මෙම නිරීක්ෂණ චාරිකාව සදහා වාරිමාර්ග හා ජල කළමනාකරණ අමාත්‍යංශයේ ලේකම් ආර්.එම්.ඩබ්ලිව් රත්නායක , වාරිමාර්ග අධ්‍යක්ෂ ජනරාල් එස්.එල්. විරසිංහ , අනුරාධපුර අතිරේක දිසාපති එල්.පී. මදනායක, අනුරාධපුර කලාප වාරි මාර්ග අධ්‍යක්ෂ ප්‍රසන්න ද සිල්වා යන මහත්වරුන් ඇතුළු උසස් නිලධාරින් රැසක් සහභාගි විය.
AP/DMU-Anuradhapura
