සමාජයක් ගොඩනැඟීමේදී එහි කුඩාම තැනුම් ඒකකය පුද්ගලයා බවත් පුද්ගලයන්ගේ සහජීවනයෙන් ගොඩනැගෙන පවුල් ඒකකය විනාශ වන ප්‍රධානතම සාධකය දුම්වැටි හා මත්ද්‍රව්‍ය භාවිතය බවත් කුරුණෑගල දිස්ත්‍රික් ලේකම් ගාමිණි ඉලංගරත්න මහතා මෙහිදී පැවසීය.
ගෝලීය දුම්වැටි වසංගතයෙන් ආසන්න වශයෙන් සෑම වසරකම මිලියන හයක ජනගහණයක් මිය යන අතර ඉන් 80% ක් ම අඩු හා මධ්‍යම ආදායම් ලබන රටවල ජීවත් වන ජනතාව බවත් මෙම නිසා ජනතාව දුගී බවින් මිදීමට මත්ද්‍රව්‍ය භාවිතයෙන් ඈත්වීම ඉතා වැදගත් බවත් ඒ මහතා වැඩිදුරටත් පැවසීය.
මෙයට පිළියම් සෙවීම අරමුණු කරගෙන ලෝක දුම්වැටි දිනයට සමගාමීව දුම්වැටි නිවාරණ කොඩි වැඩසටහන මෙවර ද දිවි නැගුම සංවර්ධන දෙපාර්තමේන්තුව මගින් ක්‍රියාත්මක කරන අතර මතින් තොර විනය ඕනෑමයි රටකට යන්න තේමාව යටතේ කොඩි අළෙවි කිරීමේ වැඩසටහන පැවැත්වු අතර එම කොඩි අළෙවි කිරිමෙන් ලැබෙන ආදායම සමාජ සංවර්ධන අරමුදලට එක් කිරිමටද කටයුතු යොදා ඇත.
එසේම මත්ද්‍රව්‍ය හා දුම්වැටි භාවිතයෙන් සිදුවන ආර්ථික හා සමාජීය පරිහානිය පිළිබඳව කුරුණෑගල නගරයට පැමිණෙන ජනතාව අතරට ගොස් දැනුවත් කිරිම, ව්‍යාපාරික ප්‍රජාව දැනුවත් කිරිම, කාර්යාල පරිශ්‍ර ජනතාව දැනුවත් කිරිම සඳහා පා ගමනක් හා වීදි නාට්‍ය සංදර්ශන ද පැවැත් වූ බව කුරුණෑගල දිස්ත්‍රික් ලේකම් කාර්යාලය පවසයි.
DMU_Kurunegala
